- Ամբողջ աշխարհի մասշտաբով 1836թ.-ից առ այսօր գյուտերի և տեխնիկական զարգացումների վերաբերյալ ավելի քան 90 մլն արտոնագրային փաստաթղթերի (հիմնական մասը արտոնագրի հայտեր են, այլ ոչ թե տրված արտոնագրեր) ազատ հասանելիության հնարավորություն
- Տեղեկատվության ապահովում «Արտոնագրի ընտանիքի» մասին. արդյո՞ք նման արտոնագրեր տրվել են այլ երկրներում:
- Հնարավորություն պարզելու իրավական կարգավիճակը. արդյո՞ք արտոնագիրն ուժի մեջ է և ո՞ր երկրներում:
- Հղումներ տարաբնույթ տեխնիկական գրականությանը (ոչ արտոնագրային գրականության):
- Հասանելի է դարձնում փաստաթղթերը, որոնք մեջբերվել են մեր կողմից ուսումնասիրվող փաստաթղթում կամ մեջբերում են տվյալ փաստաթուղթը:
- Հղումներ Եվրոպական և Արտոնագրային համագործակցության մասին պայմանագրի (Euro PCT) փաստաթղթերի, Եվրոպական և ազգային արտոնագրային ռեգիստրին:
- Հղումներ չինական, ճապոնական և կորեական արտոնագրերի հայտերի համար անհրաժեշտ փաստաթղթերի փաթեթներին:
- Մուտքի հնարավորություն Եվրոպական արտոնագրային կազմակերպության (EPO), Եվրոպական հանձնաժողովի կամ որևէ ազգային արտոնագրային գրասենյակի միջոցով:
- «Խելացի որոնում» - միաբառ և մի քանի բառից կազմված, ավելի բարդ որոնման հրամանների մուտքագրում. որոնում ըստ արտոնագրային փաստաթղթի համարի, ամսաթվի կամ տարեթվի, հեղինակի կամ կազմակերպության անվանման`օգտվելով տրամաբանական (AND, OR, NOT), «մոտիկության» (proximity operators), համեմատության, տողային որոնման և փոխարինման (wildcard characters) օպերատորներից:
- Ընդլայնված որոնում – օգտագործվում է որոնման տարբեր պայմաններ միավորելու ժամանակ. օրինակ, որոնել որոշակի տարվա և երկրի արտոնագրային փաստաթղթեր, որոնք պարունակում են հատուկ բառեր իրենց վերնագրում կամ համառոտագրում:
- «Դասակարգման որոնում» - կարելի է գտնել որոշակի տեխնիկակական ոլորտի բոլոր արտոնագրային հրապարակումները:
