Google Patents-ում ստեղծված տվյալների բազա
- Google Patents-ը Google-ի որոնման համակարգ է. ինդեքսավորում է ԱՄՆ արտոնագրերի և ապրանքային նշանների գրասենյակի (USPTO), Եվրոպական արտոնագրային գրասենյակի (EPO), Մտավոր սեփականության համաշխարհային կազմակերպության (WIPO), Գերմանական արտոնագրերի և ապրանքային նշանների գրասենյակի (DPMA), Կանադական մտավոր սեփականության գրասենյակի (CIPO), Չինաստանի պետական մտավոր սեփականության գրասենյակի (SIPO) արտոնագրերը և արտոնագրերի հայտերը: ԱՄՆ-ի արտոնագրային փաստաթղթերը հրապարակվել են 1790թ.-ից սկսած, իսկ Եվրոպական արտոնագրային գրասենյակի (EPO) և Մտավոր սեփականության համաշխարհային կազմակերպության (WIPO) փաստաթղթերը` 1978թ.-ից սկսած:
- Նիշերի օպտիկական ճանաչման մեխանիզմ ավելի հին ամերիկյան արտոնագրերը որոնելի դարձնելու համար
- Google Translate-ի կիրառում բոլոր օտարերկրյա արտոնագրերի անգլերեն թարգմանությունները որոնելի դարձնելու համար
- ԱՄՆ արտոնագրերի լիատեքստ ինֆորմացիայի ընդլայնված որոնում ըստ տարբեր չափանիշների` արտոնագրի համարի, հեղինակի վերաբերյալ տեղեկատվության, դասակարգման և հայտի ներկայացման ամսաթվի:
- Կարելի է գտնել որևէ կոնկրետ արտոնագրի հայտի հետ կապված փաստաթղթեր: Prior Art Finder գործիքը ճանաչում է արտոնագրի տեքստից հիմնական արտահայտությունները, համախմբում դրանք որոնման հարցման մեջ և ցույց տալիս արդյունքներ Google Patents, Google Scholar, Google Books և համացանցի այլ աղբյուրներից:
- Google-ի և ԱՄՆ արտոնագրերի և ապրանքային նշանների գրասենյակի համագործակցության արդյունքում հնարավոր է անվճար բեռնել արտոնագրերի և ապրանքային նշանների տվյալների վերաբերյալ փաստաթղթեր: