ՆՁԱԿ
   
 

Հայաստանում ձեռնարկատիրությամբ զբաղվող ընտանեկան ընկերություններ

2017 թվականը ԱՊՀ-ում Ընտանիքի տարի հայտարարվելու  կապակցությամբ Նորամուծության և ձեռներեցության ազգային կենտրոնը կազմակերպում է պարբերաբար համալրվող առցանց տեղեկատվական ցուցահանդես «Հայաստանում ձեռնարկատիրությամբ զբաղվող ընտանեկան ընկերություններ» խորագրով:


Լուիզա նալբանդյան և ընտանիք

Լուիզա Նալբանդյան

Շատերն են հավանաբար գարեջրի կամ գինու հետ փորձել հայկական արտադրության NUT գետնանուշը: NUT ապրանքանիշը հայկական ևս մեկ հետաքրքիր նախաձեռնություն է, որը սկսել է երիտասարդ ու սեփական ուժերին հավատացող հերթական ձեռներեցը, այս դեպքում՝ կին ձեռներեցը՝ անհատ ձեռնարկատեր Լուիզա Նալբանդյանը: NUT ընկերությունը երիտասարդ, դինամիկ զարգացող կազմակերպություն է, որն առաջարկում է բարձրորակ արտադրանքի եզակի տեսականի: Այժմ NUT-ն ունի 5 տեսակ արտադրանք:

Ավելին


  Բարխուդարյաններ

Հարություն Բարխուդարյան

Հայաստանի արևը, արևահամ մրգերը, Հայաստանի ջուրը, Հայաստանի բնությունը, Հայաստանի լեռները, հայերի հնարամտությունը և այլն, և այլն… Հայաստանի հարստություններն ու գրավչությունը բնութագրելու համար երևի հաճախակի են, չէ՞, հնչում նման արտահայտություններ: Բայց հրեաները մի հին ասացվածք ունեն, ասում են` եթե այդքան խելացի ես, ինչո՞ւ ես այդքան աղքատ: Սրանով մեր վերաբերյալ որակումները պետք է որ ջախջախվեին, քանի որ Հայաստանում յուրաքանչյուր երրորդ մարդ պաշտոնապես աղքատ է:

Ավելին


 Մարկոսյան ընտանիք

Անահիտ և Արա Մարկոսյաններ

«Ինչպես վեհաշուք կաղնին է աճում մանրիկ սերմնաբույսից, այդպես էլ ամեն մեծ բան սկսվում է փոքրից»: Այս միտքը կարդում եմ կոսմետիկ բնական միջոցներ արտադրող հայկական «Նաիրիան» ընկերության կայքում: Սա ընդամենը մի պարզ նախադասություն է, որի մեջ թաքնված է մի մեծ ու հետաքրքիր բիզնես նախագծի իրականացման պատմություն: Դրա մասին արժե իմանալ, գնահատել և դրանով հպարտանալ:

Ավելին


 Բարսեղյան ընտանիք

Հռիփսիմե Բարսեղյան

Մաշկի խնամքի միջոցներ պատրաստող Արփինեն մաշկային խնդիր ուներ, ու դրա դեմ արդյունավետ միջոցը ոչ թե քիմիական, այլ բնական նյութերն էին: Սկզբում նա այդ թանկ պատրաստուկները գնում էր, հետո նրան խորհուրդ տվեցին ինքնուրույն պատրաստել օրգանիկ օճառներ ու մաշկի խնամքի միջոցներ:

Ավելին


Բաղդադյան ընտանիք

Պիեռ և Դիրան Բաղդադյաններ

Գուրմէ Դուրմէն ձեռքով պատրաստված հայկական բարձրորակ շոկոլադի ապրանքանիշ է

Ավելին


 Հայր և որդի Պետրոսյաններ

Արա  և Հարություն Պետրոսյաններ

Ցանկացած մեծ ճանապարհ սկսվում է փոքր քայլերից, որոնք, իրար հետևից շարվելով, վերածվում են ճանապարհի: Նույնն էլ բիզնեսի ճանապարհն է, որի յուրաքանչյուր հաջողությանն ու ձեռքբերմանը տասնյակ անհաջողություններ ու ձախողումներ են նախորդում: Ու որպես կանոն՝ բիզնեսում մեծ պատմություններն էլ սկսվում են փոքր ու հետաքրքիր նախապատմություններից: Այդպիսի հետաքրքիր և ուշագրավ պատմություն ունի նաև հայկական կայացած ու հետաքրքիր բիզնեսներից մեկը՝ «Ար և Ար դիզայն քնսթրաքշն» ընկերությունը:

Ավելին


 Հայկազյան ընտանիք

Վահագն Կարագուլյան

Ընդամենը երկու տարի առաջ` 2015թ., երբ հոլանդահայ Հայկազյան ընտանիքը, որ հագուստի գործարաններ ունի Պակիստանում, Թուրքիայում, Չինաստանում և այլուր, Եվրոպայում ամենից շատ բաճկոններ վաճառող ARMA ընկերության տերն է, որոշեց հայրենիքում կաշվի վերամշակման արտադրություն հիմնել Երևանի նախկին կաշվի գործարանի հիմքի վրա: Եվ 1993-ից պարապուրդի մատնված ու լիովին ավերակների վերածված կաշվի գործարանում 2015 թվականից սկսվեց հայկական կաշվի արտադրությունը` հիմնվեց «Արլեդեր» ընկերությունը:

Ավելին


 Հալաջյաններ

Մոսես Հալաջյան

Հաջողությունները հիմնականում հեշտ չեն տրվում. դրանց հասնելու համար անընդհատ պայքար է պետք, ձգտում, բավականին հստակ թիրախ ու պատկերացում, թե ուր կամ ինչի ես ուզում հասնել, որպեսզի այդ ուղղութամբ համապատասխան աշխատաքներ տանես: Հատկապես բիզնեսում պետք է երբեք չհիասթափվել, համբերատար լինել, հաստատուն գնալ դեպի նպատակակետը՝ հաղթահարելով բոլոր խոչընդոտները:

Ավելին


Իգնատյան ընտանիք

Բեգլար Իգնատյան
Սասուն Իգնատյան

Հայկական ամենահայտնի ապրանքանիշներից մեկի երկար, բայց հետաքրքիր պատմությունը հայկական ամենաուշագրավ, հետաքրքիր ու զարգացած բիզնես խորհրդանիշներից է «SALI»-ն, որը հիմնադրել է Բեգլար Իգնատյանը 1991 թվականին:

Ավելին


Կալթաջյաններ

Սարգիս Կալթաջյան

Կալթաջյան ընկերությունը կարելի է համարել ընտանեկան բիզնես: Այն ղեկավարում է Սարգիս Կալթաջյանն իր ազգականների օգնությամբ և անմիջական մասնակցությամբ: Ընկերությունն այսօր արտադրում է Օսիո ապրանքանիշի տնտեսական ապրանքներ:

Ավելին


Մանուկյան քույրեր

Ինգա Մանուկյան
էլեն Մանուկյան

Loom Weaving-ը հայկական ապրանքանիշ է: Այն հիմնադրել են Ինգա և էլեն Մանուկյան քույրերը` 2014 թվականին: Նրանց ապրանքանիշի յուրաքանչյուր արտադրանքն ինքնատիպ ձեռագործ աշխատանք է՝ ստեղծված հայկական զարդանախշերի, գույների և ժամանակակից սարքավորումների համադրությամբ:

Ավելին


Միքայելյաններ

Լյուդվիգ Միքայելյան

Եթե ինչ-որ տեղ ոսկերչություն է զարգանում, կնշանակի ոսկերչական գործիքների պահանջարկ կա, հետևաբար՝ գործիքագործության զարգացման անհրաժեշտություն:
Հայաստանում մի հազվագյուտ գործարան կա` «Շաբեր» անունով: Սա չափերի ու աշխատակիցների սահմանափակությամբ հանդերձ՝ կարողանում է ստեղծել ավելի քան 500 տեսակ ճշգրիտ գործիքներ, սարքեր, որոնցից 30-40-ը սեփական գյուտեր են, խիստ հազվադեպ ու եզակի գործիքներ:

Ավելին