«Թերթելով էջերը. Էլեկտրոնային գրքի մշակույթը Հայաստանում»
Մարտի 11-ին ՆՁԱԿ ՊՈԱԿ-ի Գյումրու մասնաճյուղը ԱՄՆ Շրջանավարտների ասոցիացիայի և ԱՄՆ դեսպանատան «Տեղեկատվական ռեսուրս» կենտրոնի հետ համատեղ, «Armenian eBooks» նախաձեռնության շրջանակներում կազմակերպեց «Թերթելով էջերը. Էլեկտրոնային գրքի մշակույթը Հայաստանում» սեմինար-քննարկումը։
Ծրագրին մասնակցեցին Շիրակի մարզի հանրային գրադարանների աշխատակիցներ՝ շուրջ 20 գրադարանավարներ։
Ծրագրի ընթացքում նրանք ծանոթացան էլեկտրոնային գրքերի ստեղծման և տարածման առանձնահատկություններին, հմտացան էլեկտրոնային գրախանութներից ու շտեմարաններից, էլ. գրքերի ընթերցիչներից օգտվելու գործում։
Armenian eBooks թիմի աջակցությամբ մասնակիցները սովորեցին պատրաստել էլեկտրոնային հրատարակության պատմվածքների ժողովածուներ, որոնք հետագայում կտեղադրվեն Apple iBookstore և Google Play գրախանութներում։ Քննարկվեցին նաև էլեկտրոնային գրահրատարակչության խնդիրներն ու հեռանկարները, զարգացման հիմնական մոդելները: