ՆՁԱԿ
   
 

Բնաշխարհ

Գիտնականները պարզել են քամելեոնի գունափոխման գաղտնիքը

Ժնևի համալսարանի գիտնականները պարզել են, թե ինչի շնորհիվ են քամելեոններն այդքան արագ փոխում գույնը: Մադագասկարյան արու քամելեոնի վրա կատարած  փորձարկման արդյունքում պարզել է, որ գույնի փոփոխության գործընթացը տեղի է ունենում ո՛չ միայն մաշկի պիգմենտների, այլև` գունավորված բջիջների շնորհիվ: Դրանք չեն կլանում լույսը, այլ փոխում են մաշկի մակերևույթի կառուցվածքն այնպես, որ այն արտացոլի   ճառագայթները մոտակա ինֆրակարմիր տիրույթում: Այդ գունավոր բջիջները նաև  պաշտպանում են   մողեսներին  գերտաքացումից շոգ միջավայրում: Գիտնականների խոսքով` մաշկի նմանօրինակ կառուցվածքը յուրահատուկ երևույթ է բնության մեջ և նման  ձևով բնորոշ է միայն քամելեոններին: Մյուս սողունների մոտ  տվյալ  բջիջները  չեն ազդում  արտաքին մակերեսի գույնի վրա և միայն ջերմության արտացոլման գործառույթ են կատարում: