Facebook-ը կոկայինի նման է ազդում ուղեղի վրա, կարծում են գիտնականները
Նորվեգացի գիտնականները կարծում են, որ սոցցանցերը, մասնավորապես` Facebook-ը, մարդու մեջ լուրջ կախվածություն է առաջացնում այնպիսի թմրանյութի ազդեցության նման, ինչպիսին կոկայինն է: Նման եզրակացություններ անելուց առաջ, մասնագետները փորձարկում են իրականացրել, որին 20 կամավոր է մասնակցել: Բոլոր մասնակիցներին առաջարկվել է նկարներ նայել և եթե դրանք դուր գան, նշել` կոճակը սեղմելով: Եվ երբ հայտնվել են լուսանկարները, որոնք կամավորների ուղեղում նույնացել են սոցցանցի հետ, նրանց զարկերակն արագացել է, ուժեղ հուզմունքի նշաններ են առաջ եկել: Փորձարկման իրականացումից հետո մասնագետներն ուսումնասիրեցին Facebook-ի ազդեցությունը մարդու ուղեղի վրա և պարզեցին, որ սոցցանցում սեփական էջը դիտելը ժամանակակից մարդու համար իրական կախվածություն է: Պարզվել է, որ սոցցանցում լինելու ընթացքում մարդու գլխուղեղում ակտիվություն է հայտնվում նեյրոնային նույն հանգույցներում, ինչ կոկայինից կախվածության դեպքում: