Հայաստանում մեկնարկեց ձեռնարկատիրական կրթության և ստեղծարար ոլորտի զարգացման «Ստեղծարար միտք»  ծրագիրը

04.09.2018

Հայաստանում մեկնարկեց ձեռնարկատիրական կրթության և ստեղծարար ոլորտի զարգացման «Ստեղծարար միտք»  (Creative Spark) ծրագիրը: Ինչպես տեղեկացնում է «Արմենպրես»-ը, Բրիտանական խորհրդի հայաստանյան մասնաճյուղի ծրագրերի ղեկավար Նարեկ Թովմասյանի խոսքով` ծրագիրը հնգամյա նախաձեռնություն է, որի նպատակն է նպաստել ստեղծարար ձեռնարկատիրական կրթության զարգացմանը` աջակցելով այս ոլորտում Միացյալ Թագավորության և ծրագրի մասնակից յոթ երկրների, ներառյալ՝ Հայաստանի ուսումնական  հաստատությունների միջև միջազգային համագործակցության ձևավորմանը:
Ծրագրի շրջանակներում կտրամադրվի ֆինանսական աջակցություն, որը կնպաստի Միացյալ Թագավորության և Հայաստանի բարձրագույն ուսումնական հաստատությունների և ստեղծարար ոլորտի հաստատությունների միջև գործընկերային կապեր հաստատելուն, ստեղծարար կենտրոնների հիմնադրամը և ստեղծարար ձեռնարկատիրական կրթության զարգացմանը »,- ասաց Թովմասյանը:
Ծրագրի հիմնական բաղադրիչներն են` յոթ երկրում ստեղծարար ձեռնարկատիրական 22 կենտրոնի հիմնադրում, որոնք համագործության կծավալեն Միացյալ Թագավորների համալսարանների հետ, ուսանողներին և  ստեղծարար ձեռներեցներին համապատասխան հմտությունների ուսուցանում` մտքերի և փորձի փոխանակման փուլից մինչև բիզնեսի մեկնարկում ու մտավոր սեփականության պահպանում, ինչպես նաև առցանց դասընթացների միջոցով, այդ թվում՝ զանգվածային բաց առցանց հարթակում ձեռներեցության թեմատիկ անգլերենի ուսուցանում:
«Առաջին տարվա ակնկալվող արդյունքներով՝ 10 հազար ուսանողներ, շրջանավարտներ և ձեռնարկատերեր, ովքեր կմասնակցեն  հմտությունների  զարգացման ծրագրերին  և 60 մարդ կպարգևատրվի երիտասարդ ստեղծարար  ձեռնարկատերերի մրցանակով և 40 հազար ուսանող կօգտվի անգլերենի առցանց ուսումնառության դասընթացներից»,- նշեց Թովմասյանը:
Հայաստանում ստեղծարար ձեռնարկության կրթության և ստեղծարար ոլորտի զարգացման «Ստեղծարար միտք» (Creative Spark) ծրագրի շրջանակներում ՀՀ կրթության և գիտությաննախարարության, ՀՀ մշակույթի նախարարության և Բրիտանական խորհրդի միջև համագործակցության վերաբերյալ Փոխըմբռնման հուշագիր է ստորագրվել:
Հաշվի առնելով ոլորտում Մեծ Բրիտանիայի առաջատար փորձը, «Ստեղծարար Միտք» (Creative Speak) ծրագիրը ուսանողներին հնարավորություն կընձեռնի ձեռք բերել համապատասխանհմտություններ` բիզնես գաղափարների մշակման փուլից մինչև բիզնես ծրագրի ձևավորում և իրականացոմ: Երկու տարվա ընթացքում մինչև 50 հազար ֆունտ ստերլինգ կտրամադրվի յուրաքանչյուր միջազգային համագործակցության համար, որոնց  համար  երկայացված հայտերը կընտրվեն բաց մրցույթի միջոցով:
Ծրագրով ակնկալվում է բարձրացնել մասնակիցների իրազեկվածությունը, բարելավելձեռնարկատիրական և անգլերենի հմտությունները՝ հնարավորություն ընձեռելով ստեղծագործել ևառաջ մղել սեփական բիզնեսը` միաժամանակ աջակցելով ստեղծարար ոլորտի զարգացմանը, խթանել համագործակցությունը Միացյալ Թագավորության և նշված երկրների մասնագետներիմիջև:
https://armenpress.am/arm/news/946042.html