Տեղի ունեցավ Գիտատեխնիկական և ինովացիոն ոլորտներում համագործակցության միջպետական խորհրդի (ԳՏԻ ՄԽ) 26-րդ նիստը` հեռավար տեսահամաժողովի ռեժիմով
2020 թ.-ի ապրիլի 30-ին, Բելառուսի Հանրապետության Մինսկ քաղաքում կայացավ Գիտատեխնիկական և ինովացիոն ոլորտներում միջպետական համագործակցության խորհրդի (ԳՏԻ ՄԽ) 26-րդ նիստը:
ԱՊՀ երկրներում առկա համաճարակային պայմաններից հարկադրված, նիստն անցկացվեց հեռավար տեսահամաժողովի ռեժիմով:
ՀՀ Ազգային կոնտակտային կենտրոնի կողմից, նիստի աշխատանքներին մասնակցեց ՀՀ Էկոնոմիկայի նախարարության Նորամուծության և ձեռներեցության ազգային կենտրոնի տնօրեն, Գիտատեխնիկական ինֆորմացիայի համակարգման միջպետական խորհրդի (ԳՏԻՀ ՄԽ) նախագահ՝ Գևորգ Հրաչյայի Վարդանյանը:
Նիստի ընթացքում քննարկվեց ԱՊՀ անդամ-երկրների՝ մինչև 2030թ. ընկած ժամանակահատվածի համար նախատեսված, ինովացիոն համագործակցության նոր ծրագիրը, վերջինս նախապատրաստելու և ս./թ. սեպտեմբերին կայանալիք ԱՊՀ Տնտեսական համագործակցության խորհրդի դիտարկմանն առաջադրելու նկատառումով:
Ծրագիր-2030-ը կողմնորոշված է դեպի նորագույն բարձր տեխնոլոգիական ապրանքների արտադրության և ծառայությունների ստեղծում, հիմնարար, որոնողական և կիրառական հետազոտությունների իրականացում, համատեղ ինովացիոն նախագծերի իրագործում, գիտատեխնիկական, արդյունաբերական և ինովացիոն համագործակցության ենթակառույցի զարգացում:
Համավարակով պայմանավորված ներկայիս դժվարին իրավիճակի առումով, նշվեց գիտատեխնիկական և ինովացիոն միջպետական համագործակցության հատուկ կարևորությունն առողջապահության ոլորտում:
Նիստի օրակարգում ընդգրկված հարցերի քննարկման արդյունքում, ընդունվեցին մի շարք որոշումներ.
- ԳՏԻ ՄԽ 25-րդ նիստի որոշումների կատարման մասին:
- Մինչև 2030թ. ընկած ժամանակահատվածում ԱՊՀ անդամ-երկրների ինովացիոն համագործակցության Միջպետական ծրագրի նախագծի մասին:
- Մինչև 2020թ. ընկած ժամանակահատվածում, ԱՊՀ անդամ-երկրների ինովացիոն համագործակցության Միջպետական ծրագրի –շրջանակներում թվարկված պիլոտային միջպետական ինովացիոն նախագծերի իրագործման մասին:
- Մինչև 2020թ. ընկած ժամանակահատվածում, ԱՊՀ անդամ-երկրների ինովացիոն համագործակցության Միջպետական ծրագրի երկրորդ փուլում ընդգրկված նախագծերի ցանկի նախապատրաստման մասին:
- ԱՊՀ անդամ-երկրների ինովացիոն գործունեության ոլորտում կադրերի պատրաստման, վերապատրաստման և մասնագիտական որակավորման բարձրացման միջպետական համակագի ձևավորման և զարգացման կոնցեպտի նախագծի մասին:
- Գիտատեխնիկական և ինովացիոն ոլորտներում նորմատիվա-իրավական բազայի մասին:
- Գիտատեխնիկական և տեխնոլոգիական ոլորտներում ԱՊՀ անդամ-երկրների համագործակցության համաձայնագրի նախագծի մշակման մասին:
- ԱՊՀ անդամ-երկրների միջգրադարանային աբոնոմենտի համակարգի վիճակի մասին:
- ԱՊՀ անդամ-երկրների գիտական և կրթական հաստատությունների մասնագետների պատրաստման, ստաժավորման և մասնագիտական որակավորման բարձրացման ոլորտում համագործակցության մասին:
- ԳՏԻ ՄԽ հերթական նիստի մասին:
