ՆՁԱԿ
ՆՁԱԿ
Օքսֆորդի համալսարանի գիտնականները ռադիոածխածնային մեթոդով պարզել են Բոդլինյան թանգարանում պահվող Բակշալյան ձեռագրի տարիքը: Համարվում է, որ այս հայտնի հնդկական ձեռագրում հեղինակը կիրառել է զրոյի նշանը: Գիտնականները պարզել են, որ ձեռագիրը 500 տարով ավելի հին է, քան ընդունված էր կարծել: Այն ստեղծվել է 3-4-րդ դարերում:
Հետազոտության արդյունքները հաստատվել են Բոդլինյան գրադարանի ղեկավարները: Այստեղ ձեռագիրը պահվում է 1902 թվականից: Դրա տեքստը պարունակում է հարյուրավոր նշաններ՝ զրոյի տեսքով: Այդ նշանները կիրառվել են այն նույն նշանակությամբ, ինչ որ զրոն՝ հիմա:
Ավելի վաղ համարվում էր, որ զրոն առաջին անգամ կիրառվել է Հնդկաստանի Մադհյա-Փրադեշ նահանգում գտնվող 9-րդ դարի Գվակլիոր տաճարի պատի արձանագրության մեջ:
Իսկ Բակշալյան ձեռագիրը գտնվել է 1881 թվականին մի դաշտում, որտեղ այժմ գտնվում է Պակիստանի Բակշալի գյուղը: Գիտնականները վաղուց էին այն դիտարկում որպես հնագույն մաթեմատիկական տեքստ: Սակայն մինչ այս վերջին հետազոտությունը դրա ստեղծման ստույգ թվականը վիճաբանության առարկա էր: Փաստաթուղթը բաղկացած է կեչու 70 փխրուն կեղևներից:
