ՆՁԱԿ
ՆՁԱԿ
Գերմանացի գիտնականները աղի հատիկի չափ մարտկոց են ստեղծել
Գերմանացի գիտնականները աղի հատիկի չափ մարտկոց են ստեղծել, որը կկարողանա մի քանի ժամ սնուցել միկրոսկոպիկ չիպերը։
Գերմանիայի Քեմնիցի տեխնիկական համալսարանի հետազոտողների թիմը 1 մմ2-ից պակաս հատվածով բջիջ է մշակել: Ապագայում նման մարտկոցներին հնարավոր կլինի միացնել խորը հյուսվածքների և ներքին օրգանների սենսորները՝ հիվանդների վիճակը հեռակա վերահսկելու և վիրահատություններից հետո վերականգնման գործընթացը վերահսկելու համար։
Մարտկոցի էներգիայի խտությունը մեծացնելու համար գիտնականներն օգտագործել են «Շվեյցարական ռոլ» (Swiss-roll) սկզբունքը։ Նրանք մետաղների, պոլիմերների և դիէլեկտրիկների շերտեր են նստեցրել ափսեի մակերեսին։ Եթե նման «գլան» ենթարկվի մեխանիկական սթրեսի, ապա շերտերը կսկսեն բաժանվել միմյանցից, և տեղի կունենա լարման անկում։ Նմանատիպ սկզբունք է կիրառվում Tesla մեքենաների համար մարտկոցների արտադրության մեջ։
Գիտնականներն ընդգծել են, որ «Շվեյցարական ռոլի» սկզբունքը համատեղելի է միկրոսխեմաների ստեղծման ժամանակակից տեխնոլոգիաների հետ։ Մարտկոցի էներգիայի խտությունը 1 սմ2-ի դիմաց՝ 100 μWh է: Ամենափոքր համակարգչային չիպերը նման մարտկոցով կարող են աշխատել մոտ տասը ժամ։
Հետազոտության առաջատար հեղինակն ընդգծել է. «Այս տեխնոլոգիան դեռևս օպտիմիզացման հսկայական ներուժ ունի, ուստի ապագայում մենք կարող ենք ակնկալել ավելի հզոր միկրոմարտկոցներ»:
