ՆՁԱԿ
ՆՁԱԿ
Չինաստանը գործարկել է արհեստական մսի արտադրության առաջին գործարանը
Շանհայում գործող CellX ընկերությունը գործարկել է արհեստական մսի արտադրության առաջին, պիլոտային գործարանը, գրում է South China Morning Post-ը։
«Սրանից արված եզրակացությունները կօգտագործվեն մեր առևտրային արտադրական համալիրի համար, որը նախատեսում ենք ավարտել մինչև 2025 թվականը, և որը կկարողանա տարեկան հարյուրավոր տոննա արտադրանք տալ», - ասել է գործադիր տնօրեն Յանգ Ցզիլիանը:
Ձեռնարկությունն ունի երկու հազար լիտր ծավալով կենսառեակտոր։ Ժամանակի ընթացքում սարքավորումների քանակը կավելանա, իսկ արտադրության արժեքը կնվազի մինչև հարյուր դոլար մեկ կիլոգրամ մսի համար՝ պահպանելով բարձր որակը, ասվում է հրապարակման մեջ:
Այս տարվա վերջին CellX-ը կդիմի Միացյալ Նահանգներին և Սինգապուրին՝ արհեստական մսի վաճառքի թույլտվություն ստանալու համար, ասել է ընկերության գործադիր տնօրենը: Մինչ օրս լաբորատոր պայմաններում աճեցված մսի վաճառքը հաստատված է միայն այս երկրներում: Չինական ընկերությունը նախատեսում է միջազգային շուկա դուրս գալ մինչև 2025 թվականին։
Ըստ SCMP-ի՝ գործարանի փորձնական տարբերակի ստեղծումը որոշիչ պահ է Չինաստանի համար։ Երկիրը կանգնած է կենդանական սպիտակուցի աղբյուր գտնելու մարտահրավերի առաջ՝ 1,4 միլիարդ մարդու պարենային անվտանգությունն ապահովելու համար։
