Բրիտանիայում էլեկտրոնային ծխախոտները կարող են դասվել դեղամիջոցների շարքին
Մեծ Բրիտանիայում առաջարկել են էլեկտրոնային ծխախոտները, որից օգտվում է շուրջ 1.3 մլն մարդ, դասել դեղամիջոցների շարքին: Դեղամիջոցների և բժշկական օգտագործման համար նախատեսված ապրանքների կարգավորման հարցով զբաղվող գործակալությունը հայտարարել է, որ նմանօրինակ դասակարգումը կհանգեցնի դրանց կատարելագործմանը, ինչը կմեծացնի հարմարանքի արդյունավետությունը ծխողների առողջությանը սպառնացող վտանգների նվազեցման գործում:
Այս պարագայում նման «ծխախոտները» կարող են դուրս գրվել բժշկի կողմից որպես կախվածությունից ձերբազատվելու միջոց:
Էլեկտրոնային ծխախոտներն աշխատում են մարտկոցով և իրական ծխախոտի տեսք ունեն, միայն թե մի փոքր մեծ են չափսերով: Փորձագետները պնդում են, որ այն կօգնի փրկել բազմաթիվ կյանքեր: