ՆՁԱԿ
ՆՁԱԿ
Պարզվել է, թե որ թեյն է բարելավում տղամարդկանց ուղեղի աշխատանքը
Հոլանդացի գիտնականները պարզել են, որ տղամարդկանց ուղեղի աշխատանքը բարելավում է կանաչ թեյը: Նման եզրակացության նրանք հանգել են 44 կամավորների հետ փորձարկումներ անցկացնելով, որոնց կեսին հանձնարարություններից բացի նաև կանաչ թեյ են տվել:
Չափվել է նաև մասնակիցների ուղեղի ակտիվությունն առաջադրանքների կատարման ժամանակ, պարզվել է, որ կանաչ թեյ խմածներն ավելի բարձր մտավոր ունակություններ են ցուցաբերել. նրանք ավելի ուշադիր են եղել և քիչ են հոգնել:
Գիտնականների կարծիքով այդ էֆեկտի պատճառը կոֆեինը և L-թեանին ամինաթթուն է:
Ավելի վաղ ճապոնացի գիտնականները պարզել էին, որ օրական երկու բաժակից ավելի թեյ խմող տարեցների մոտ հիշողության և ուշադրության խանգարման դեպքերը կրճատվում են կիսով չափ:
