Ծխող տղամարդիկ ավելի ենթակա են մազաթափության ռիսկի. հետազոտություն
Թայվանի ազգային համալսարանի գիտնականները հետազոտություն են անցկացրել, որով ապացուցվել է` ծխելը վաղ տարիքում տղամարդկանց ճաղատացման ռիսկի ամենաուժեղ գործոնն է:
Նրանք պարզել են, որ անգամ ասիացի տղամարդիկ, ովքեր գենետիկորեն ավելի կայուն են մազաթափության դեմ, քան եվրոպեոիդ ռասայի տղամարդիկ, նույնպես ենթակա են այդ ռիսկին:
Նրանք հետազոտել են 740 թայվանցի տղամարդու, որոնց միջին տարիքը եղել է 65:
Հետազոտությունը ցույց է տվել, որ օրական 20 ծխախոտ ծխած տղամարդիկ ավելի նոսր մազածածկույթ ունեն: Գիտականորեն դա բացատրվում է նրանով, որ երկարատև ծխելը թուլացնում է արյունատար անոթները, ինչի հետևանքով տեղի է ունենում արյան շրջանառության խախտում: Այդ գործընթացը հանգեցնում է մազերի թուլացմանն ու կորստին: