Կանադացի հետազոտողները Բերմուդյան եռանկյունու հատակին քաղաք են հայտնաբերել
Կանադացի գիտնականները Բերմուդյան եռանկյունու հատակի լուսանկարներում ստորջրյա քաղաք են հայտնաբերել: Նրանք նկատել են 4 բուրգ, որոնցից մեկը ապակուց է պատրաստված: Ճարտարապետությունը հիշեցնում է Կենտրոնական Ամերիկայի և Կարիբյան ավազանի մինչդասական շրջանի պատմության` լատինաամերիկյան հնագույն Տեոտիուականա քաղաքակրթության «առաջադեմ» մշակույթը:
Գիտնականների խումբը ծովի հատակը ուսումնասիրել են ռոբոտի օգնությամբ, որը Կուբայի արևելյան ափից հյուսիս ընկած հատվածում `ծովի հատակին, 700 մետր խորության վրա հայտնաբերել է քաղաքի ավերակներ:
Լուսնկարներում երևում են բուրգեր, ինչպես նաեւ սֆինքս և մի քանի միատար կառույցներ, իսկ շինությունների պատերին գրություններ են քանդակված:
2000-ականների սկզբից Վայնցվեյգի եւ Զալիտցիկիի ընկերությունը իրականացրել է կուբայական իշանության` օվկիանոսի հատակի քարտեզագրական նկարագրության պատվերը: Կուբայական կառավարության նախնական նպատակը եղել է իսպանական խորտակված նավերի գանձերի հայտնաբերումը:
Այդ ուսումնասիրությունների ժամանակ էլ ամուսնական զույգը հայտնաբերել է ծովի հատակին առաջացած տարօրինակ կուտակումը, որը նրանց արհեստական շինություն է թվացել: Այն ժամանակ Վայնցբեյգը և նրա կինը սկսել են հայտնաբերված ավերակների համար գիտական բացատրություն որոնել: