ՆՁԱԿ
ՆՁԱԿ
Արհեստական բանականության շնորհիվ ընթերցվել է հնագույն ձեռագրի առաջին բառը
Վերականգնվել է 79թ. Վեզուվի ժայթքման ժամանակ կորած Հերկուլանեումի գրադարանի առաջին հնագույն տեքստը։ Հետազոտողները, օգտագործելով արհեստական բանականության տեխնոլոգիան, ածխացած ձեռագրերից վերծանել են «πορφύραc» (մանուշակագույն) բառը, հայտնում է The Guardian-ը։
«Վեզուվ» ծրագիրը, որը մշակվել է Կենտուկիի համալսարանի գիտնականների կողմից, արագացրել է ընթերցանության գործընթացը։ Ուսանող-մասնակիցներ Լյուկ Ֆարիտորը և Յուսեֆ Նադերը առաջինն էին, որոնք հայտնաբերեցին հին հունարեն «πορφύραc» բառը, որը նշանակում է «մանուշակագույն»՝
համապատասխանաբար վաստակելով 40.000 և 10.000 դոլար:
Ակնկալվում է, որ նոր տեխնոլոգիայի շնորհիվ ավելի շատ տեքստեր հասանելի կդառնան։ Այս հայտնագործությունը վերակենդանացնում է հետաքրքրությունը հին դարերի անհայտ կողմերի նկատմամբ և կարող է լույս սփռել պատմության և գրականության հնագույն գործերի վրա:
