ՆՁԱԿ
ՆՁԱԿ
Նոր արծաթե նանոմասնիկները կարող են «գրոհել» քաղցկեղը
Արծաթե հիմքով նանոմասնիկները արդեն մեծ հաջողությամբ օգտագործվում են բժշկության մեջ։ Բայց նրանց երկարաժամկետ օգտագործումից առաջացող հնարավոր թունավորումները մշտապես խնդիր են եղել։ Սակայն վերջերս Սանտա Բարբարայում, Կալիֆոռնիայի համալսարանի գիտնականները ստեղծել են մի նանոմասնիկ, որն անվտանգության տեսակետից ոչ մի խնդիր չի առաջացնում։ Այն իր ուրույն ձևի և պեպտիդային կառուցվածքի շնորհիվ ոչ միայն արդյունավետորեն մտնում է քաղցկեղային բջիջների մեջ, այլև ավելորդ մասնիկները, որոնք չեն հասնում թիրախին, պարզապես դուրս են գալիս օրգանիզմից՝ զգալիորեն նվազեցնելով թունավոր ազդեցությունները։ Մեթոդը հիմնված է պլազմոնիկա երևույթի վրա։ Պլազմոնիկայի մեջ լազերային ճառագայթում է օգտագործվում ոսկյա և արծաթե նանոմասնիկների վրա լույսի ռեզոնանս ստանալու համար։ Սա առաջացնում է, այսպես կոչված «պլազմոնային բարելավումներ», որոնք էլեկտրամագնիսական դաշտը կենտրոնացնում են մակերեսի վրա։ Գունանյութեր ավելացնելուց հետո, դրանք ավելի են պայծառանում։ Երբ միջուկը ոչնչացվում է, մասնիկը պղտորվում և կորցնում է իր վառ լուսավորումը։ Նանոմասնիկների ներքին բնույթը, այլ գոյացություններ կլանելու և անցկացնելու իրենց քվանտային հատկություններն ու կարողությունները դարձնում են դեղորայքային միջոց, որոնք ինքնուրույն կարող են անցնել մեմբրանների միջով։ Բացի այդ, ինչպես հայտնի է, արծաթն ունի հակաբակտերիալ հատկություն անգամ հակաբիոտիկակայուն միկրոօրգանիզմների դեմ և քացղկեղի բուժման համար բավականին ազդեցիկ միջոց է համարվում։
