ԱՄՆ-ում գիտնականները քվանտային սառնարան են ստեղծել
ԱՄՆ-ի գիտնականները սառնարան են ստեղծել, որի աշխատանքում ջերմաստիճանը նվազեցնելու համար կիրառվել են քվանտային ֆիզիկայի օրենքները: Նոր սարքը գիտափորձի շրջանակներում հնարավորություն է տվել սառեցնել 2.5 սմ կողմով և 3 մմ լայնությամբ քառակուսի պղնձյա թիթեղը մինչև 265 միլիկելվին ջերմաստիճանի (Կելվինի սանդղակը հաշվում է բացարձակ զրոյից, որը հավասար է -273,15 Ցելսիուսի) 18 ժամվա ընթացքում:
Նման ջերմաստիճանների անհնար է հասնել ստանդարտ կրիոգենային տեխնոլոգիաներով: Իսկ հեղուկ հելիումը օբյեկտները սառեցնում է մինչև 300 միլիկելվին: Սառեցնող տարրը բաղկացած է 48 շերտանոց կառուցվածքից, որում սովորական և գերհաղորդիչ նյութի թիթեղները բաժանված են նանոմետրանոց հաստության մեկուսիչներով:
«Տաք» էլեկտրոնները սովորական մետաղից մեկուսիչով անցնում են դեպի գերհաղորդիչը «թունելային էֆեկտի» շնորհիվ: Մետաղական թիթեղը, իր հերթին, կլանում է սառեցվող օբյեկտի ջերմային էներգիան:
Նման տեխնոլոգիա է նախատեսվում կիրառել քվանտային համակարգչային համակարգերի սառեցման, ինչպես նաև զգայուն աստղադիտակների մեջ: