ՆՁԱԿ
ՆՁԱԿ
Արևային գունդը կլուծի խմելու ջրի պակասը
Աշխարհում մոտավորապես 900 մլն մարդ խմելու ջրի պակաս է զգում: Երկրագնդի մի շարք տարածաշրջաններում բավարար քանակությամբ քաղցրահամ ջուր չկա:
Ավստրիալացի երիտասարդ գիտնական Ջոնաթան Լյաոնը ստեղծել է մի սարք, որը մաքրում է կեղտոտ ջուրը և վերածում խմելու ջրի: Ոչ բարդ և թանկարժեք գնդաձև սարքը` Solarball, որն աշխատւմ է արևի լույսով և հեշտ է տեղից տեղ փոխադրել, ներքևի մասը ներկված է սև գույնով`արևի ճառագայթները լավ կլանելու համար, այստեղ է լցվում կեղտոտ ջուրը:
Գնդի ներսում, ջրի կաթիլները գոլորշիանալով նստում են սարքի պատերին, այնուհետև հավաքվում են առանձին տարողության մեջ: Պրոցեսի ընթացքում կեղտոտ մասսան առանձնանում է, իսկ առաջացած ջուրը պիտանի է խմելու համար: Մեկ օրվա ընթացքում սարքը արտադրում է երեք լիտր ջուր: Այն ցուցադրվելու է Միլանի միջազգային ցուցահանդեսում: Ապարատը որը ցուցադրվել է, արժանացել է մասնագետների համակրանքին:
