ՆՁԱԿ
ՆՁԱԿ
Նոր թուղթ փաթեթավորման համար
Կարծես թե մոռացության են մատնվել այն ժամանակները, երբ խանութներում մթերքները փաթեթավորվում էին թղթե փաթեթներով: ժամանակի ընթացքում հրաժարվեցին թղթից ի օգուտ ավելի էժան պլաստմասսայից կամ պոլիէթիլենային տարաներից: Սակայն այժմ գիտնական-հետազոտողները հայտնում են, որ շատ շուտով մթերային ապրանքների փաթեթավորման մեջ առաջ է գալիս շրջադարձային պահ: Մասնագետները հայտնում են, որ ստեղծել են նոր էկոլոգիապես մաքուր թուղթ-killer, որը պատված է արծաթի նանոմասնիկներով և օժտված է հակաբիոտիկ հատկություններով
Հայտնի է, որ արծաթը որպես հակաբիոտիկ նյութ, արդեն լայն կիրառությություն ունի բժշկության մեջ, կենցաղում:
Վերջին ժամանակներս հետազոտողները օգտագործում են մարդկային մազից 55 000 անգամ բարակ արծաթյա նանոմասնիկներ, որոնք ավելի երկարատև արդյունք են ապահովում: Արծաթյա նանոմասնիկներով պատված թուղթը կարող է ալտերնատիվ միջոց հանդիսանալ մթերքների երկարատև պահպանման տարածված միջոցների շարքում:
Արծաթյա նանոմասնիկներով պատված թուղթը կայուն հակաբիոտիկ հատկություն է դրսևորել E. coli և S. aureus բակտերրաների հանդեպ, որոնք առաջացնում են սուր սննդային թունավորումներ, այս բակտերիաները ոչնչանում են երեք ժամվա ընթացքում:
Այս նորաստեղծ թուղթը կարող է ծառայել որպես մթերային ապրանքների փափեթավորման լավագույն միջոց, երկարացնելով նրանց պահպանության ժամկետը:
