Չոր ջուր` նոր դեղամիջոց քաղցի և երաշտի դեմ
Կիսաանապատային տարածքների ֆերմերները արդեն օգտագործում են երաշտի դեմ պայքարի այս նոր մեթոդը` հատուկ փոշի, որն ի վիճակի է կլանել հեղուկը: Solid Rain (կարծր անձրև) անունն ստացած այս փոշին արտաքուստ նման է շաքարի: Պատրաստված է հատուկ ներծծող նյութից` կալիումի պոլիակրիլատից և ընդունակ է իր մեջ ներծծել անհավանական ծավալով ջուր` իր ծավալից 500 անգամ շատ: Մեկ լիտր ջուրը ներծծվում է 10 գրամ «կարծր անձրև»-ի մեջ` վերածվելով ամուր, թափանցիկ գելի: Նրա մեջ ներծծված ջուրը ի վիճակի է առանց գոլորշիանալու մնալ 1 տարի: Եթե այն տեղադրվի հողի մեջ, ապա բույսերի արմատները հնարավորություն կունենան նրանց մեջից ներծծել ջուրը:
Այս «կարծր անձրև»-ը հայտնագործել է մեքսիկացի ինժեներ-քիմիկոս Սերխիո Վելասկոն: Այժմ նրա հայտնագործությունը իսկական փրկություն է երաշտի դեմ պայքարի համար, այնինչ նախապես նա ցանկանում էր նյութ ստեղծել մանկական տակդիրների համար: