Nissan-ը ներկայացրել է «խելացի» ժամացույց՝ հատուկ վարորդների համար
Ճապոնական Nissan մեքենաշինական ընկերությունը, հետևելով հեղինակավոր տեխնոլոգիական ընկերությունների օրինակին, ներկայացրել է սեփական արտադրության «սմարթվոչը», որը, սակայն, նախատեսված է միայն վարորդների համար: Nismo Concept Watch «սմարթվոչը», մասնավորապես, նախատեսված է Nissan Nismo մեքենաների վարորդների համար, և կլինի առաջին ժամացույցը, որը կապ կստեղծի վարորդի ու մեքենայի միջև։
Այն հնարավորություն կտա վարելու ընթացքում ստուգել մեքենայի արդյունավետությունը, վառելիքի ծախսման արագությունը, կարդալ Facebook-ի, Twitter-ի հաղորդագրությունները։
Nismo Watch-ը կլինի 3 գույնի՝ սև, սպիտակ և կարմիր-սև։ Դրա էկրանին տեղադրված է 2 կոճակ, որոնց միջոցով էլ ժամացույցը կառավարվում է։ Սարքը գործում է լիթիումային մարտկոցով, որը լիցքավորելու դեպքում կբավականացնի 6-7 օր։