ՆՁԱԿ
ՆՁԱԿ
Boeing-ի արդիականացման համակարգը սովորական ռումբը կվերածի թեւավոր հրթիռի
Boeing-ը Kratos Defense & Security Solutions-ի հետ միասին սկսում է համակարգ մշակել, որը կարող է սովորական 228 կիլոգրամանոց ռումբը վերածել կոմպակտ, ճշգրիտ կառավարվող թեւավոր հրթիռի:
Նրա նախորդը ավելի քան 30 տարի առաջ McDonnell Douglas-ի կողմից մշակված JDAM կառավարվող ռումբն էր, որը համալրված էր ինքնակառավարման համակարգով, GPS նավիգացիայով և պոչում տեղադրված ղեկային համակարգով: Ռումբը կարող էր հարվածել առարկաներին մինչև հինգ մետր ճշգրտությամբ։
JDAM-ի թերությունը նրա թռիչքի կարճ հեռահարությունն էր՝ ընդամենը մոտ 25 կմ: Իր թարմացված տարբերակում այս ցուցանիշը գրեթե եռապատկվել է՝ հասնելով 70 կմ-ի՝ ծալովի թևերի հավաքածուի շնորհիվ:
2010-ին Boeing-ի ինժեներներն առաջարկել են նույնիսկ ավելի առաջադեմ տարբերակ՝ Power JDAM, վառելիքի տանկեր և օժանդակ համակարգեր, որոնք ռումբը վերածում են թեւավոր հրթիռի մինչև 1300 կմ հեռահարությամբ: Այնուամենայնիվ, այս խոստումնալից նոու-հաուն քնած էր գրեթե 13 տարի, մինչև Kratos Defence & Security Solutions-ը Boeing-ին առաջարկեց իր TDI-J85 թեւավոր հրթիռային շարժիչը, որը կարող էր նաև արտադրել 1,5 կՎտ փոփոխական հոսանք՝ սնուցող Power JDAM համակարգերը:
