Ինչպիսին կլինեն ապագայի մարդիկ
Ապագայագետները առաջարկում են կառուցել տեսություններ, որոնցով հնարավոր կլինի կանխատեսել, թե ինչ էվոլյուցիա կապրի մարդկությունը: Վարկածներից մեկի համաձայն` հեռավոր ապագայում երկու սեռի մարդիկ էլ կլինեն ճաղատ, իսկ տղամարդիկ մորուք չեն ունենա: Գիտնականները համարում են, որ չնայած գեղագիտական ակնառու կորստին` մարդիկ կշահեն` խնայելով ջրային պաշարները, քանի որ այլևս անհրաժեշտություն չի լինի ջուր օգտագործել ներկայիս ծավալներով` լվանալով մազ ու մորուքը:
Հետազոտողների կարծիքով` բոլոր մարդիկ ժամանակի ընթացքում կունենան երկար մատներ. Այդպես հարմար կլինի սեղմել համակարգչի ստեղններին կամ օգտվել ապագայի այլ բարդ տեխնիկայից:
Առաջին անգամ չէ, որ կառուցվում են ատամների կառուցվածքային փոփոխությունների մասին տեսություններ: Եվ եթե նախկինում մատծում էին, որ ապագայում ատամներն ընդհանրապես կվերանան, ներկայումս ենթադրում են, որ պարզապես չեն աճի իմաստնության ատամներ:
Մի հարցում գիտնականները համոզված են. Մարդկությունը, ընդհանուր առմամբ, ավելի բարձրահասակ կլինի: Այդ առիթով բերվում է Իտալիայի օրինակը, որտեղ մարդկանց 20 տոկոսի հասակը բարձր է 180 սանտիմետրից, այնինչ պատերազմից հետո այդպիսի մարդիկ ընդամենը 6 տոկոս էին կազմում:
Միաժամանակ, որոշ ապագայագետներ պնդում են, որ Homo sapiens տեսակը չի փոխվի` չնայած համընդհանուր աղետներին: Մարդաբանների մի մասի կարծիքով`միայն լուրջ բնական աղետը կարող է թռիչքաձև փոխել բնական ընտրության ընթացքը:
Հոգեբանները զգուշացնում են, որ էլեկտրասարքավորումների և տեխնկական այլ սարքերի արագընթաց զարգացումը, ինչպես նաև տեղեկատվության քանակական անընդհատ աճը մարդկությանը անխուսափելիորեն կհասցնի նյարդային հիվանդությունների, աննախադեպ չափերի կհասնեն ճարպակալումն ու դեպրեսիան:
Գիտնականների կարծիքով` Homo sapiens տեսակի փոփոխությունների ընթացքն արդեն սկսվել է: Ֆրանսիացի գիտնականների հետազոտությունների համաձայն` մարդկանց հոտառությունը նախնիների համեմատ արդեն բավական վատացել է, քանի որ հոտառության գեների 72 տոկոսը անդառնալի մուտացիայի են ենթարկվել: Որոշ գիտնականներ ենթադրում են, որ հաջորդ փուլը կլինի քթի զգայունության ամբողջական բթացումը:
Ատամների վրա մեծապես կազդի կոնսերվանտների, շաքարների մեծաքանակ օգտագործումը և կոշտ ուտելիքի բացակայությունը: Ատամները կմանրանան հետո ընդհանրապես կվերանան: Որոշ ապագայագետների կարծիքով` XXI դարի կեսերին արդեն Երկրի բնակչության մեծ մասը կունենա մուգ կամ թուխ մաշկ, շեղ աչքեր: Այդպես եվրոպոիդ ռասայի մարդիկ կվճարեն կանխամտածված կերպով չբազմանալու համար:
Գիտնականները կանխատեսում են նաև, որ, հնարավոր է, փոքրանա մարդու մկանային զանգվածը: Բավական կմեծանա ձախլիկների թիվը. Հիմա արդեն սկսվել է այդ պրոցեսը: Տեսություններից մեկի համաձայն`բնությունը որոշել է վերականգնել տաղանդավոր ձախլիկների պոպուլյացիան, որ ոչնչացել է քարի դարում մարտնչող պրիմիտիվ աջլիկների դեմ պայքարում:
Ամերիկացի գիտնականների կարծիքով` մոտավորապես 2 000 տարի անց մթնոլորտում աղտոտող նյութերի գերհագեցումից մարդու աչքերը նկատելիորեն կփոքրանան և կունենան երկրորդ թարթիչ: Թոքերը կմեծանան և կունենան ավելի խիտ արյունատար համակարգ, որը օդից կվերցնի թթվածնի ավցելի փոքր քանակությունը, որ դեռ կլինի այնտեղ:
Գիտնականները կարծումեն նա, որ մարդու մաշկը կկոշտանա, որպեսզի դիմանա մթնոլորտի քիմիական աղտոտիչների և ակտիվ արևի այրվածքներին:
Վարկածներից մեկի համաձայն` ականջները նույնպես փոփոխություններ կկրեն, և դրանց վրա կգոյանան ծալքեր. դրանց շնորհիվ մարդիկ կպաշտպանվեն աղմուկից: Երիկամները ձեռք կբերեն նոր գործառույթ` մեզից կանջատեն ջուրը և այն կպահեն օրգանիզմի համար: Շատ մարդաբաններ պնդում են, որ գլուխը կլինի ոչ միայն կլոր, այլ նաև երկարավուն` ի հաշիվ ուղեղային մասի մեծացման:
Մարդկությունը կունենա նոր ընդունակություններ, օրինակ` հեռազգացության մակարդակում հաղորդակցվելու հնարավորություն: Այսպես թե այնպես, գիտնականների մեծ մասի կարծիքով`ինչ-ինչ փոփոխություններ մարդու ֆիզիոլոգիայում և արտաքին կերպարում ամեն դեպքում կլինեն. չափազանց արագ տեմպերով է ընթանում տեխնիկական առաջընթացը:
Եթովպիական անապատում նոր ծով կառաջանա
Եթովպիայի, ԱՄՆ-ի և Եվրոպայի երկրաֆիզիկոսները հանգել են այն եզրակացության, որ վերջերս Եթովպիայի հյուսիս-արևելքում առաջացած ժայռոտ հանքաշերտի ճեղքվածքը վկայում է նոր ծովի ձևավորման սկզբի մասին:
Ճեզքվածքը, որը ձգվում է ավելի քան 50 կիլոմետր, ներկայումս ունի մինչև չորս մետր լայնություն, գտնվում է Աֆար անապատի հեռավոր շրջանում: Այն ձևավորվել է երկրաշարժից հետո, որ տեղի է ունեցել այս տարվա սեպտեմբերի 14-ին:
Եթովպիայի արևելյան մասը ամեն տարի մոտավորապես երկու սանտիմետրով կհեռանա աֆրիկյան մնացած մայրցամաքից: “Վաղ թե ուշ, ճեղքվածքի լայնանալուն համընթաց, նրա մեջ կսկսի ջուր լցվել Կարմիր ծովից և Ադենյան ծովածոցից”,-ասում է այս երևույթը ուսումնասիրող գիտնականներից մեկը: Արդյունքում ներկայիս անապատի տեղում նախ կառաջանա նոր նեղուց, հետո` ծով: Ինչպես ենթադրում են գիտնականները, դա տեղի կունենա մոտավորապես մեկ միլիոն տարի անց:
Երկրաֆիզիկոս Սինդի Էբինջերը` Լոնդոնի Հելոուեյ համալսարանից, չի թաքցնում հույզերը. “Դա պարզապես ցնցող է: Ժամանակակից գիտական սարքավորումների ստեղծման սկզբից ի վեր առաջին անգամն է, որ մենք կարողանում ենք հետևել այդպիսի մասշտաբի գործընթացին: Մեր տեխնիկայի շնորհիվ, ինչպեսև հանգամանքների բերումով մենք կարող ենք մանրամասն ուսումնասիրել երկրակեղևում ընթացող շատ գործընթացներ”:
Նոր ծովի ծննդին անընդհատ հետևելու համար մի քանի երկրի գիտնականներ նախատեսում են ճեղքվածքից ոչ հեռու սարքավորել մշտական գիտական ճամբար: