Մոլեկուլյար ծրագրավորումն իրականություն է դառնում
Գիտնականներն արդեն վաղուց են փորձում ստեղծել բուժման այնպիսի միջոցներ, որոնք կարողանան առավելագույն ճշգրտությամբ ազդել վնասված հատվածների վրա: Ներկայումս դրան հասնելու առավել առաջադեմ միջոցներից է նանոտեխնոլոգիայի և գենետիկայի համադրումը: Այս ուղղությամբ մեծ քայլ է իսրայելցի գիտնականներ Թոմ Րենի և Եհուդ Շապիրոյի աշխատանքը, ովքեր նախագծում են համակարգչային համակարգ, որը կարող է ծրագրավորել ԴՆԹ-ի բջիջը:
Գաղափարը, որ ընկած է համակարգի հիմքում, մտածվել է վաղուց, բայց հենց Րենին և Շապիրոյին է հաջողվել հասնել առաջին դրական արդյունքներին, որոնք հիմք են տալիս հայտարարել, որ բջջի ԴՆԹ-ն հնարավոր է ծրագրավորել:
Ինչպես Բի-Բի-Սի-ին հայտնել է Շապիրոն, առավել բարդ կենսաքիմիայի շնորհիվ գիտնականներին հաջողվել է բջջի մեջ ներկառուցել պարզագույն տրամաբանական ծրագրեր, որոնք նման են համակարգիչների համար ստեղծվող ծրագրերին:
Խոսքը ծրագրավորման լեզվի պարզագույն “եթե… ապա” հրամանների մասին է: Գիտնականները համակարգչային համակարգը կարգավորել են այսպես. “Բոլոր մարդիկ մահկանացու են”, ապա փաստը` “Սոկրատը մարդ է”: “Մահկանացու է, արդյոք, Սոկրատը” հարցին գիտնականներն ստացել են ճիշտ պատասխան:
Առաջիկայում գիտնականները հույս ունեն ստեղծել բջիջներ, որոնք ամբողջովին կկառավարվեն մոլեկուլյար համակարգչային նմանատիպ ծրագրերով: